Në një spektakël, një nga mënyrat për të tërhequr vëmendjen e publikut janë surprizat. Dha natën e djeshme një surprizë e tillë ishte rezervuar për moderatoren Fiori Dardha.
Abeli, djali i gazetares nuk ka qejf të dalë në televizor, madje në performancat e para të së ëmës, ai mendonte se Fiori nuk kërcen fare bukur.
Por këtë javë ka ndërruar mendje. Abeli me ndihmën e tezes së tij, jo vetëm që i dërguar një mesazh së ëmës, ku i thotë se kërcen shumë bukur, por edhe u shfaq në skenën e “Dance With Me” për të kërcyer me të.
Pasi Alketa i tregoi Fiorit se stafi i kishte përgatitur një surprizë, Fiori e pati të vështirë t’i mbajë emocionet, aq më shumë edhe kur e pa të voglin në skenë të veshur me kostum, gati për të qenë kavalieri i saj në të parin kërcim publik.
Kaq ishte dhe të gjithë u çarmatosën, edhe Berti që për dy javë me radhë pati replika me mamin e Abelit. Para fëmijëve, ai ka treguar se ka një dobësi të jashtëzakonshme, ndaj tha se edhe ai në raste si ky nuk mund të flasë.
Për Valbonën siç e menduat edhe vetë lotët nuk i kursen, sidomos kur është fjala për fëmijët.
