Ish-e fejuara e reperit Ne-Yo ka shpjeguar pse ndodhi ndarja e tyre, e cila daton një dekadë më parë.
Monyetta Shaw-Carter dha një intervistë për “Haus of Aaron” dhe pohoi se arsyeja pse ata vendosën të ndaheshin ishte fakti se artisti donte gra të tjera në shtratin e tij përveç saj.
“Ne kemi tradhtuar njëri-tjetrin, por bashkë. Nëse kjo ka kuptim”, tha ajo dhe më pas ngriti tre gishtat për të shpjeguar se do të thoshte se ata kishin pasur edhe marrëdhënie treshe.
“Ne po provonim gjërat së bashku. Dhe në fakt, nuk është pabesi nëse je në rregull me të”, shpjegoi Monyetta Shaw-Carter.
Ylli i reality show-t “Real Housewives of Atlanta” tregoi gjithashtu se si çift ata “eksperimentonin” shpesh, por bënin treshe vetëm 1-2 herë në vit.
Megjithatë, më vonë Ne-Yo vazhdoi ta kërkonte me ngulm më shpesh. “I thashë ‘nëse do këtë, do të thotë që nuk më do mua’. Sa më shumë që u përpoqa t’i përshkruaj diçka pikante që bëjmë si çift herë pas here, nuk mjaftonte ”, vuri në dukje ajo.
Ish-çifti u fejua në vitin 2010, por u ndanë tre vjet më vonë në vitin 2013, vetëm dy muaj para martesës së tyre. Ata kanë dy fëmijë së bashku, Madeline dhe Mason.
