Ndikimi i fjalës është i papërshkrueshëm, ajo mund të bashkojë ose të ndajë njerëz, gjithmonë në varësi të mënyrës që e përdorni.
Mendoni për këtë: me vetëm një fjali ju mund të bëni që dikush të buzëqeshë dhe të ketë një ditë më të mirë. Por me vetëm një fjali ju mund ta rrënoni ditën e dikujt.
Çdo fjalë ka një pushtet të vetin në varësi të kontekstit dhe kuptimit që ka nga pas. Dhe është vetëm një fjalë përgjegjëse për fundin e marrëdhënieve më të mëdha mes njerëzve.
“Jam i/e zënë”
“Më vjen keq që nuk iu përgjigja thirrjes tënde ose mesazheve. Kam qenë me të vërtetë i/e zënë”.
“Kjo tingëllon shumë e këndshme! Për fat të keq, jam i/e zënë me punë”.
“Do të doja të provoja atë vend të ri me ty, por jam i/e zënë me fëmijët”.
Në sipërfaqe, sigurisht që nuk ka asgjë të keqe. Në fund të fundit, ne të gjithë kemi përgjegjësi, prandaj është e sigurt të supozojmë se ata vërtet janë të zënë, apo jo?
Por pikërisht kjo fjala “i/e zënë” është shkaku pse shumica e marrëdhënieve mes individëve përfundojnë! Kur thoni “jam i/e zënë” për partnerët tanë në kontekstin e kalimit të kohës me ta, thjesht vendosni një bombë të fuqishme psikologjike në strukturën e marrëdhënies tuaj. Ajo thotë shumë më tepër se fakti që me të vërtetë jeni të zënë.
Ajo zbulon fokusin e energjisë tuaj, vullnetin për të qenë me ta, strukturën e prioriteteve tuaja, rëndësinë që kanë për ju, destabilizon besimin dhe krijon hapësirë për dyshim, pavarësisht sesa i besoni njëri-tjetrit.
Dhe është me të vërtetë një justifikim, nuk është diçka që duhet t’ua thoni njerëzve që kanë rëndësi për ju!
