Modelja braziliane, Paola Antonini France Costa, po fiton admirim dhe respekt jo vetëm për paraqitjen e saj të mrekullueshme, por gjithashtu për kurajën dhe vendosmërinë për të ndjekur pasionin pavarësisht aftësive të kufizuara.
Bukuroshja 21-vjeçare nga Belo Horizonte, Brazili, humbi këmbën e saj të majtë pas një aksidenti të tmerrshëm automobilistik, të shkaktuar nga një shofer i dehur në dhjetor të 2014-s.
Incidenti fatkeq nuk e pengoi Paola-n të vazhdonte karrierën e saj në modeling, ndërsa vijonte të impresiononte audiencën në pasarelë dhe fansat në mediat sociale me qëndrimin e saj dhe hijeshinë, ndërsa mban të vendosur këmbën protezë. Paola ka mbi 600,000 ndjekës në “Instagram”, ndërsa publikon foto të mrekullueshme duke shijuar jetën pavarësisht aftësisë së kufizuar.
21-vjeçarja publikon gjithashtu me krenari trupin e saj me bikini, bashkë me këmbën protezë. “Dua të bëhem një modele për të tjerat që kanë gjymtuar këmbën”, tha braziliania për “Veja BH”.
Pati disa përpjekje për të shpëtuar këmbën e Paola-s, por ishte kaq e dëmtuar sa fillimisht iu desh që t’ia prisnin poshtë gjurit, ndërsa më pas deri në pjesën e kofshës.
“Nuk kam ndjerë ndonjëherë aq shumë dhimbje në jetën time. Zgjodha që të mos shikoja përmasat e dëmtimit, por e dija që ishin serioze”, kujton ajo. Prindërit e saj e përshkruajnë aksidentin si ditën më të keqe të jetës së tyre.
E paturpëruar për aftësinë e saj të kufizuar, Paola nuk ka bërë asnjëherë përpjekje për të fshehur protezën e saj. Vendimi i saj për ta treguar fitoi edhe më shumë admirimin e fansave përreth botës për guximin dhe pasionin.
Fotografitë e saj online marrin shumë mbështetje, ku një prej komentuesve shkruan: “Je luftëtarja ime, sikur të gjithë të kishin energjinë tënde.
Ndërsa mesazhe të tjera drejtuar Paola-s e falënderojnë: “Faleminderit që na tregon pak nga jeta jote! Kam kaluar përmes një kohe të vështirë për arsye shëndetësore, ti më inspirove për të luftuar dhe të shikoj gjithmonë anën pozitive”.
*Shfleto galerinë
Burimi: NextShark
