Netflix ka publikuar më 27 nëntor komedinë romantike të Krishtlindjeve “Our Little Secret”, ku në rolet kryesore janë Lindsay Lohan dhe Ian Harding. Filmi, i drejtuar nga Stephen Herek, regjisori i njohur për “Bill & Ted’s Excellent Adventure”, ka një skenar të shkruar nga Hailey DeDominicis.
Historia ndjek dy ish-partnerë, Avery (Lindsay Lohan) dhe Logan (Ian Harding), të cilët, përmes një ngjarjeje të papritur, detyrohen të kalojnë Krishtlindjet së bashku. Situata komplikohet kur zbulojnë se partnerët e tyre aktualë, Cameron dhe Cassie, janë vëlla e motër.
Në film shfaqen edhe aktorë si Kristin Chenoweth, Jake Brennan, Dan Bucatinsky, Tim Meadows, Judy Reyes dhe Chris Parnell. Vetëm dy ditë pas publikimit, filmi është bërë një nga më të ndjekurit në platformë, megjithatë, reagimet ndaj tij janë të përziera.
Sipas vlerësimeve të Rotten Tomatoes, filmi ka marrë 76% nga shikuesit, ndërsa kritikët i kanë dhënë vetëm 47%. Shumë shikues e kanë cilësuar argëtues, duke vlerësuar humorin dhe kthesat interesante në fundin e historisë. Por disa kanë mbetur të zhgënjyer nga interpretimi i Lindsay Lohan dhe nga disa detaje të skenarit.
Pavarësisht kritikave, “Our Little Secret” duket se ka fituar zemrat e adhuruesve të filmave të Krishtlindjeve, duke sjellë një histori që ndërthur humorin, dramën dhe atmosferën festive.
