Një çantë Hermes Birkin ka thyer rekordin botëror për çantën më të shtrenjtë të shitur ndonjëherë në një ankand. Aksesori u ble për 380,000 dollarë në eventin të mbajtur në Hong Kong. Rekordi mbahej më parë nga një tjetër çantë Birkin, e cila ishte shitur për 300,000 dollarë në vitin 2016.
Nuk bëhet i ditur identiteti i blerësit, por kompania e ankandit dha detaje rreth çantës së lakmuar. E krijuar në vitin 2014, kjo çantë e veçantë “Himalaja” është bërë me lëkurë të krokodilit mat, me doreza të mbuluara në 205 diamante dhe kopsa ari 18 karatësh.
Himalaja Birkins e mori këtë emër nga ngjyra e saj, e cila zbehet nga gri në të bardhë perle. Kompania thotë se janë jashtëzakonisht të rrallë, me vetëm një ose dy që besohet se bëhen çdo vit, për shkak të një procesi që merr kohë për të ngjyrosur lëkurën e krokodilit.
Vlerësimi paraprak ishte midis 193,000 – 258,000 dollarë. Zëdhënësja e kompanisë së ankandit tha se çmim u rritën shpejt gjatë 10-15 minuta të ofertave që bëheshin personalisht, nëpërmjet telefonit dhe në internet.
Çanta e famshme Birkin u prezantua nga Hermes në vitin 1984 dhe u emërua sipas këngëtares dhe modeles, Jane Birkin.
Burimi: Associated Press
