Kemi dëgjuar histori të habitshme e po aq qesharake me persona të dehur, por kjo që ka ndodhur së fundmi qëndron në krye të të gjithave. Një 30-vjeçar i quajtur Thomas Dodd pasi piu disa gota verë në mbrëmjen e Krishtlindjes vendosi të ndryshonte emrin e tij. Ai ishte duke parë një koncert të Celine Dion në Youtube dhe kështu mendoi që edhe emrin e tij ta bënte Celine Dion.
Ai ka treguar se kishte paguar 89 paund për të ndryshuar emrin zyrtarisht dhe vetëm pasi i kishte dalë pija kishte kuptuar se çfarë kishte bërë. Thomas (a.k.a Celine Dion) është shprehur se pasi mori dokumentet zyrtare me postë kishte marrë vesh se kishte ndryshuar emrin.
“Më kujtohet që po shikoja koncertin e Celine Dion gjatë interpretimit të saj në Vegas. Do të doja ta dija se çfarë ndodhi, por ishte një natë e mjegullt. Kur u ktheva nga puna të mërkurën, pashë një zarf të bardhë në dysheme që ishte plot me certifikata zyrtare. Nuk isha i vetëdijshëm se e kisha bërë këtë veprim derisa gjeta zarfin.
Fillimisht, m’u desh të ulesha pasi nuk mund ta besoja, kështu që më pas kontrollova bankën time e cila konfirmoi gjithçka. I thashë mamasë time se mund të ishte më keq, pasi mund ta kisha ndërruar në Boris Johnson – ne jemi thjesht me fat që nuk ka ndonjë koncert live në Youtube. Asaj i duket qesharake, ashtu dhe motrës, por desh u mbyt nga sanduiçi kur i tregova”, është shprehur 30-vjeçari.
