Ndonëse hetimet tashmë kanë nisur, ngjarja tronditëse e vrasjes së 30-vjeçares Liridona Ademaj, pak ditë më parë në Prishtinë, vazhdon të jetë e mbuluar me mister dhe hije dyshimesh! Ajo çka dihet deri më tani është përfshirja e bashkëshortit të viktimës në këtë ngjarje ku dyshohet se ka luajtur rol kryesor. Por së fundmi, gazetari Ervin Dushi ka ndarë detaje të reja nga jeta e çiftit në Suedi.
Në një lidhje të drejtpërdrejtë me emisionin “7pa5” në Vizion Plus, gazetari tha se çifti Murseli në Suedi kishte disa kredi dhe debite. Për sa i përket sigurimit të jetës, ai tha se vetëm personat VIP mund të përfitojnë sigurim të lartë.
Dushi: Familja Murseli ka një biznes të cilin e ka pasur pasiv në dy vitet e fundit. Është biznes në fushën e ndërtimit, por nuk ka pasur ndonjë të ardhur të madhe as më parë. Nëse i referohemi vitit 2020, si Liridona si Naimi kanë të ardhura rreth 300 e ca mijë korona, pra rreth 30 mijë euro në vit.
Familja ka pasur shumë debite këtu, kanë kredi pa paguar, kredi personale, kredi biznesi. Po t’i shohim janë 3. Nuk ka pasur një jetë të shfrenuar siç paraqitet, unë i referohem letrave, jo thashethemeve.
Sipas dokumenteve aty kanë debite, biznesi i tyre është një kafe lagjeje, një kafe e vogël në qytet. Liridona ka menaxhuar firmën e pastrimit dhe kafen. Ndërsa zotëria, Naimi, nuk është njohur për shumë aktiv, por është paraqitur si pjesë e politikës.
A ka informacion për ndonjë pasqyrim të mundur të të ardhurave, pronave në shtetin e Kosovës?
Dushi: Suedia ka diçka që nuk ecën mbi ujë të turbullt. Ata po presin hetimet, pra po presin mbylljen e hetimeve. Momentalisht akoma nuk është shkruar emri i Naim Murselit në media. Arrestohet familjari i Liridona Ademajt, nuk thuhet që është arrestuar i shoqi.
