Ditën e sotme janë kthyer në Shqipëri 104 shqiptarë, të cilët kishin shkelur rregullat e qëndrimit në hapësirën Schengen dhe kishin kërkuar azil.
Policia Kufitare shqiptare, në bashkëpunim me Frontex-in dhe vendet e BE-së, kanë mundësuar sot riatdhesimin e shtetasve që nuk kanë respektuar rregullat e qëndrimit në Schengen.
Sipas “Balkanweb”, u riatdhesuan me fluturim charter nga Lille, Francë, 48 shtetas shqiptarë dhe nga Gjermania, 56 shtetas shqiptarë.
Pas kontrollit për koronavirusin, shtetasit e riatdhesuar janë lënë të lirë.
Gjithashtu, Ministria e Brendshme dhe Policia e Shtetit kanë paralajmëruar se operacionet e riatdhesimit do vazhdojnë edhe në javët e ardhshme.
