Aktori i mirënjohur i humorit shqiptar, Fadil Hasa ka ndërruar jetë ditën e sotme, në moshën 78-vjeçare.
Prej kohësh aktori i madh, vuante nga një sëmundje e rëndë, të cilën e mësoi pak javë më parë.
Ndërkohë, familjarët kanë njoftuar se ditën e nesërme do të zhvillohen homazhe në orën 10:00-deri në 11:00 në Teatrin e Durrësit.
I lindur në Durrës, më 8 prill 1940, Fadil Hasa u shqua më shumë në role komike në Estradën e Durrësit. Ai është nderuar katër herë me çmimin “Aktori më i Mirë i Humorit” dhe mban titullin “Artist i Merituar”.
Ai njihet për rolet e tij komike si: Latifi te Sheqer-sheqer, Rrema tek “Or ti i këshillit”,” Hamdiu” të Mysafiri i paftuar,” Qyli” (monolog) etj. F. Hasa ka luajtur edhe ne disa filma, si: Zëvendësi i grave, Mao Ce Dun (Hekurani, 2004), Trapi i vjetër (oficeri, 2005), Lutje dashurie (besimtar mysliman, 2005).
