Askush nuk e kupton ç’po ndodh me çiftin më të përfolur të momentit, Kanye West dhe Kim Kardashian.
Teksa e gjithë bota fliste për divorcin e tyre, Kim u shfaq si mbështetësja më e madhe e reperit për albumin “Donda”, teksa zuri radhën e parë të stadiumit.
Së fundmi, ylli i “KUWTK” i ka çuditur të gjithë pasi për të mbështetur sërish Kanye-n për promovimin në Soldier Field, u shfaq e veshur si nuse.
Ata rikrijuan edhe një herë skenën e martesës së tyre dhe askush s’po kupton më asgjë.
“TMZ” ka zbuluar se asgjë nuk po ndodh me ta dhe nuk bëhet fjalë për rikthim.
“Ata janë një familje dhe gjithmonë do e mbështesin njëri-tjetrin”, shprehen burime shumë të afërta të Kim e Kanye.
Edhe pse kanë kaluar 6 muaj nga koha kur Kim Kardashian njoftoi “ndarjen” nga Kanye, duket se për të është shumë e rëndësishme që të ketë të njëjtin mbiemër me fëmijët.
“Duke qenë se fëmijët kanë mbiemrin West, Kim po mendon që ta mbajë edhe ajo. Kjo gjë e bën më të lehtë dhe nuk i konfuzon fëmijët. Ata do të jenë gjithmonë një familje. Ajo mendon se është në interesin e mirë të fëmijëve, që të gjithë të kenë të njëjtin mbiemër”, ka thënë një burim pranë yllit të televizionit.
