Kim Kardashian po kritikohet gjerësisht nga specialistë mjekësorë dhe ndjekësit e saj pasi publikoi foton e parë të vogëlushit të sapolindur Psalm!
Kritikat nuk kanë të bëjnë me emrin e tij apo faktin e publikimit të fotos edhe pse kishte vetëm pak ditë që kishte lindur, por kanë lidhje me mënyrën sesi po fle vogëlushi.
Të premten, Kim, 37 vjeç, ndau fotografinë e parë të Psalm West, i shtrirë në krevatin e tij, mbi një jastëk të butë në dukje dhe i mbuluar nga koka te këmbët.
Pas kësaj fotoje, shumë mjekë janë shprehur të shqetësuar me mënyrën sesi po fle vogëlushi.
“Ju lutemi, ju lutemi, paguani një ‘konsulent gjumi’ për t’ia hequr të gjithë ato mbulesa dhe kuverta nga krevati i fëmijës suaj që të mos rrezikojnë SIDS. Shumë fëmijë kanë vdekur në këtë mënyrë!”, shkruan një specialist.
SIDS është Sindromi i Vdekjes së Papritur të Foshnjës, që ka të bëjë me një vdekje të pashpjegueshme të një fëmije të shëndetshëm, që zakonisht ndodh kur është në shtrat.
SIDS mendohet se shkaktohet nga sinjale të gabuara të trurit që rregullojnë frymëmarrjen, por disa faktorë në rregullimin e gjumit të foshnjës mund të rrisin rrezikun e vdekjes dhe të përkeqësojnë këto probleme të frymëmarrjes.
Sipërfaqet e buta, mbinxehja, dhe fjetja në stomak mund ta vërë një fëmijë në rrezik, ndaj rekomandohet që ai të flejë me kurriz.
