Kim Kardashian është një ndër femrat më të ndjekura përsa i përket sugjerimeve të stilit të veshjes dhe të pamjes së jashtme. Çdo ndryshim që ajo bën kthehet në trend botëror.
Vetëm pak ditë më parë Kim Kardashian dhe Kanye West u bënë prindër për herë të tretë, me një vajzë të lindur nga një nënë surrogate. Ndërkohë që është duke shijuar ardhjen në jetë të vajzës së saj, Kim ka bërë një ndryshim në stilin e saj të flokëve që po komentohet gjerësisht në mbarë botën.
Kim ka postuar një video në “Snapchat” ku tregon stilin e ri të flokëve me gërsheta bionde. Ajo është shprehur se është frymëzuar nga aktorja e njohur e viteve ’80 Bo Derek, e cila u paraqit me këtë pamje në filmin “10”.
Këtë ndryshim të pamjes së saj Kim e ka ndarë me fansat e saj edhe në “Instagram”. Të shumta kanë qenë komentet në lidhje me këtë ndryshim. Ka pasur nga ata që e kanë kritikuar dhe nga ana tjetër edhe nga ata persona që e kanë pëlqyer dhe komentuar pozitivisht.
“Jam akoma e inatosur që Kim Kardashian bën sikur gërshetat i ka shpikur Bo Dere”, shkruan një fanse.
Ndërsa një tjetër i bën të qartë që modeli i flokëve është model që e përdorin njerëzit me ngjyrë dhe s’mund t’i jap merita një aktoreje amerikane.
“Jam shumë e shqetësuar. Si dreqin i jep merita Bo Deek për atë model flokësh? Seriozisht e ke?”, shkruan një fanse.
“Turp të të vijë”, i komenton një ndjekëse tjetër.
Pavarësisht komenteve ne mund të themi që me këtë ndryshim Kim solli trendin e ri të flokëve për 2018-n.
