Kim Kardashain pasi takoi personalisht Presidentin Donald Trump arriti të siguronte lirimin nga burgu të gjyshes së saj, Alice Johnson.
63-vjeçarja ishte prej 20 vjetësh në burg dhe ishte dënuar me burgim të përjetshëm për trafik droge. Mirëpo falë ndërhyrjes së Presidentit Donald Trump ajo arriti të lirohej dhe t’i bashkohej familjes së saj.
Kim Kardashian sapo u takua me gjyshen e saj Alice, realizoi një selfie të cilën e postoi në Snapchatt. Në një video të postuar nga Kim në rrjetet sociale Alice ka thënë se ajo fillimisht as nuk e njihte gruan e cila do t’i falte lirinë, pasi kishte shumë vite e burgosur.
“Nuk i dija emrin. Nuk e njihja Kim-in. Në momentin që kuptova kush ishte, fillova të lexoja çdo revistë që mund të gjeja. Lexoja çdo gjë rreth saj. Dhe të gjithë u mahnitën. Unë u mahnita po ashtu,” tregon Alice.
Kim sapo na tregoi të gjithëve se është mbesa ideale që jo vetëm i fali lirinë gjyshes së saj, por po e shndërron në një yll të rrjeteve sociale. Dje ylli i “Keeping up with the Kardashians” vizitoi shtëpinë e saj në Memphis, Tennessee, një javë pasi 63-vjeçarja u lirua nga burgu.
Kim ka filluar të postojë shumë foto dhe video në rrjetet sociale me gjyshen e saj dhe shumë shpejt do të vijë momenti kur edhe Alice do të ketë rrjetet e saja sociale, madje me siguri do të bëhet pjesë edhe e episodeve të “Keeping up with the Kardashians”.
