Kim Kardashian mund të mos jetë gati për të mirëpritur fëmijën e saj numër 4, por ajo organizoi një babyshower të paparë të shtunën.
Miqtë dhe të afërmit e familjes Kardashian West u mblodhën për të festuar dhe mirëpritur fëmijën e katërt, një djalë që do të vijë së shpejti në jetë përmes një nëne mbartëse.
Festa e titulluar “CBD & Meditation” kishte si temë kanabisin dhe meditimin.
CBD është pikërisht një përbërës i kanabisit, të cilin Kim e kishte zgjedhur për t’u qetësuar duke qenë se është tepër nervoze që do të bëhet nënë për herë të katërt.
CBD i njohur ndryshe si cannabidiol, është përbërësi që gjendet në bimën e kanabisit, i njohur për nxitjen e relaksimit dhe përdoret në një gamë të gjerë produktesh për shëndetin dhe bukurinë.
“Pra, duke qenë se unë jam e frikësuar dhe fëmija po vjen për dy javë, kam menduar se nuk ka mënyrë më të mirë për të festuar se sa me pak CBD”, u tha Kim të ftuarve mes të cilëve Kris Jenner, Kourtney Kardashian si dhe Chrissy Teigen, Paris Hilton, Larsa Pippen, Jen Atkin, Olivia Pierson dhe Natalie Halcro.
Gjithçka ishte në ngjyrë bojëqielli, madje të ftuarit ishin ulur përtokë, në mes të gjelbërimit.
