Një nga kritikat që fansat kanë pasur për stilin e Kim Kardashian ndër vite është se sa shumë ajo i përmbahet ngjyrave bazë, si e zeza dhe e bardha, në veshjet dhe dekorin e shtëpisë së saj. Epo mesa duket fansat nuk janë të vetmit që duan të ‘ndezin’ pak ngjyrë në familje.
Në skenat që do të transmetohen në episodin e Ellen ditën e sotme , ylli i “The Kardashians” rrëfeu se si vajza e saj North West stiloi familjen për setin e tyre të fundit të “Vogue” – jo sepse asaj iu kërkua një gjë të tillë – por sepse ajo e kërkoi atë.
“Ata të gjithë do të vishnin të zeza,” tha Kim.
North doli (si një shpëtimtare) dhe tha:
“Këto janë kaq të mërzitshme, nuk mund ta besoj që kjo është ajo çka ne do të veshim. Unë do t’i vesh të gjithë.“
Dhe me sa duket kjo është pikërisht çfarë North bëri. Ajo filloi të kontrollonte dollapët e të gjithëve dhe bashkoi disa veshje që u bënë pjesë e koleksioni shumë të lezetshëm dhe argëtues.
Sesioni fotografik që pasoi, i cili me sa duket e stresoi Kim-in, doli i mrekullueshëm.
“Sa herë që më duhet të bëj një fotosesion me fëmijët e mi, apo kushërinjtë e mi, është si dita më e keqe e jetës sime dhe gjithmonë them se nuk do ta bëj më kurrë”, tha ajo ndërsa Ellen tregon foton në emisionin e saj. “Por atëherë ju përfundoni me fotografi të mahnitshme si kjo.“
