Kim Kardashian ka deklaruar se mund ta shohë veten duke shkuar në altar për herën e katërt, nëse kësaj radhe do të jetë një burrë ‘i veçantë’ dhe ‘unik’.
Themeluesja e markës “Skims”, e cila aktualisht është në lidhje me lojtarin e futbollit Odell Beckham Jr., 31 vjeç, tha se është e hapur për të thënë ‘Po’ edhe një herë nëse mund të gjejë dikë që i përshtatet jetës së saj.
Kim shprehet si më poshtë:
Unë nuk e di. Vërtet nuk e di. Ka disa momente kur thjesht them, “E kuptoj që jeta ime është shumë e madhe dhe duhet një person shumë, shumë, shumë i veçantë dhe unik për të dashur të merret me të. Unë mendoj se jeta ime është vërtet argëtuese dhe kushdo që vjen në jetën time do të kalojë shumë mirë.
