Reperi Kanye West po jeton larg bashkëshortes së tij Kim Kardashian dhe dy fëmijëve, pas lirimit nga spitali ku u shtrua nga një krizë nervore.
Një burim anonim tha për Us Weekly se ai është duke qëndruar në një shtëpi me qira teksa po trajtohet.
Të mërkurën, West u lirua nga UCLA Medical Center, ku u shtrua më 21 nëntor nga krizat nervore që i vinin si pasojë e privimit nga gjumi dhe lodhja. Ai u kthye në shtëpi së bashku me Kim Kardashian dhe dy fëmijët e tyre, North dhe Saint.
Familja madje festoi ardhjen e tij në shtëpi dhe ditëlindjen e parë të Saint me një festë të vogël.
Edhe pse West jeton larg nga familja e tij për arsye mjekësore, ka spekulime se ai dhe Kim kanë pasur probleme martesore që nga grabitja traumatike në Paris e Kardashian, si pasojë e “sjelljes së parregullt të tij”.
“Sjellja e Kanye-s mori një kthesë të madhe mbi martesën e tyre”, tha një burim. “Por Kim ndihet e çliruar që ai është duke marrë ndihmën që i nevojitet. Ajo mendon se kjo është ajo që duhet për të shpëtuar martesën e tyre”.
Familja Kardashian ende nuk ka bërë ndonjë deklaratë zyrtare në lidhje me hospitalizimin e reperit dhe nëse ai është ende duke jetuar në shtëpi; Megjithatë, motra e Kim, Kendall Jenner siguroi se: “Të gjithë janë mirë dhe po luten”.
Burimi: Harper’s Bazaar
