Kim Kardashian vetëm dy ditë më parë prezantoi imazhet e parfumit të saj të ri KKW, që mban formën e trupit të saj seksi. Për te reklamuar parfumin e saj më të ri Kim publikoi edhe disa imazhe ku shfaqej e zhveshur dhe e mbuluar me një shtresë të hollë balte.
Mirëpo menjëherë pas publikimit të imazheve të para të shishes së parfumit, të gjithë fansat e akuzuan duke thënë se ajo kishte kopjuar parfumin klasik të Jean Paul Gaultier, i cili gjithashtu ka formën e turpit të një gruaje pa krahë, këmbë dhe kokë. Kim i ka mohuar të gjitha këto akuza, duke thënë se është një gjetje personale.
“Skulpturat ishin frymëzimi im, po unë e dua atë shishe. Është portret dhe manifeston trupin e gruas, por frymëzimi ishte një statujë. Unë dua që e imja të jetë personale, ekzakt si me baltën, por unë gjithmonë i kam dashur shishet Gaultier ”, mësohet të ketë thënë Kim pas akuzave për vjedhje.
Kim gjithashtu sqaroi se ka edhe një arsye tjetër se përse e bëri trupin e saj më baltë.
“Ne ishim duke e bërë trupin tim me baltë për parfumin e ri, por ne gjithashtu jemi duke e bërë atë për një skulpturë të madhe”, u shpreh Kim.
Përsa i përket aromës unisex, për të cilën u pyet në Twitter, Kim tha se ajo do të vijë shumë shpejt.
“Po unë shpresoj kështu…ka dy të tjera… nuk dua të them tani, por jam duke shpresuar për në vjeshtë”, tha Kim.
Burimi: Cosmopolitan
