Kiara Tito është një nga vajzat më simpatike të ekranit, që ka qenë mjaft aktive në televizion që nga fillimet e karrierës së saj. Moderatorja feston sot ditëlindjen dhe mbush 25 vjeçe. Për të pritur e festuar këtë përvjetor të rëndësishëm, Kiara mblodhi në një festë gjithë miqtë e saj të ngushtë. Moderatorja ka organizuar në mesnatë një festë, që ka pasur si tematikë “tropical vibes”.
Në këto ditë të ftohta, Kiara ka sjellë verën me ditëlindjen e saj, të cilën gjithë të ftuarit duket se e kanë shijuar shumë. Moderatorja kishte zgjedhur që për ditëlindjen e saj të vishte një fustan të shkurtër me ngjyra e plot shkëlqim, i cili vinte i hapur në pjesën e dekoltesë.
Nga pamjet e publikuara në rrjetet sociale shihet se edhe torta ishte përshtatur me tematikën e ditëlindjes, duke ju afruar stilit tropikal.
Kujtojmë se disa muaj më parë moderatorja u infektua me Covid-19 dhe u detyrua të izolohej në shtëpi. Ajo tregoi se fatmirësisht e kishte kaluar me simptoma të lehta koronavirusin. Madje askush nuk e vuri re që ajo ishte infektuar, derisa e zbuloi vetë në rrjete sociale duke publikuar një foto të saj pasi e kishte fituar luftën me virusin.
View this post on Instagram
