Moderatorja Kiara Tito është shfaqur shumë e mërzitur sot. Ajo është parë paksa e prekur dhe madje ka qëndruar vetëm në oborr.
A mund të ketë ndikuar tek humori i Kiarës temat e ndryshme që u trajtuan mbrëmë në spektakël?
Kjo mbetet për t’u parë.
Në javën e parë Olta Gixhari dhe Luiz Ejlli u duk se ishin shumë miq me njëri-tjetrin. Madje aktorja mori edhe rolin e “shkuesit” në marrëdhënien e tij me Kiara Titon.
Por, nuk vonoi shumë dhe Luizi dhe Olta u bënë “armiq” me njëri-tjetrin. Ky raport i prishur midis tyre, vendosi mes dy zjarresh blogeren.
Kiara është edhe shoqe me Oltën edhe me Luizin.
E pyetur nëse ajo e konsideron veten midis dy zjarresh në këtë situatë, Kiara Tito u shpreh:
“Momenti i parë që unë kam hyrë këtu personi që jam afruar me energji ka qenë vetëm Olta. Më është dukur sikur e njoh. Derisa na u bashkua dhe Luizi. Derisa ndodhi një keqkuptim midis tyre. Nuk dua të them mbaj anën e njërit ose tjetrit. Nuk do të doja të ishte kështu.”
Më herët Olta Gixhari mori guximin dhe e puthi në buzë Kiarën, për t’i treguar Luizit si bëhet kjo punë. Tito e priti me sportivitet këtë veprim të Oltës duke mos reaguar ashpër.
