Fotot e Kiara Titos me Butrint Imerin thyen rrjetin (sa kohë pa e përdorur këtë shprehje!) javën e kaluar.
Ka tre vite që Butrinti dhe Kiara përfliten se janë apo nuk janë bashkë, aludime të cilat nisën pas intervistës së këngëtarit në “Top Select” në prill të 2016-ës, ku Kiara u tregua shumë e afërt me të, madje edhe duke e puthur në faqe.
Por ndërsa ata e kanë mohuar gjithmonë, javën e kaluar Butrint Imeri publikoi në Instagram-in e tij një foto ku shfaqej bashkë me Kiarën të veshur për të luajtur golf.
HAJT HAJT ?
153.4k Likes, 5,655 Comments – BUTRINT IMERI (@butrint_official) on Instagram: “HAJT HAJT ?”
Butrinti shkruajti “Hajt Hajt”, duke lënë të kuptohej se ishin xhirimet e një klipi të ri. Njëherësh, duke ringjallur aludimet e vjetra për marrëdhënien mes tyre.
Sot, e ftuar tek “Rudina” për të folur për sezonin e dytë të emisionit “Doktor Plastik” në “Klan”, Kiara u përgjigj edhe në lidhje me Butrintin.
Dhe për të njëqindtën herë, Kiara u përgjigj:
“Jemi vetëm shokë, asgjë më tepër”
Rudina – Kiara Tito ndan te rejat e sezonit te dyte te “Doktor Plastik”! (04 qershor 2019)
www.tvklan.al Emision info-argetues nga Rudina Magjistari ne KLANHD & TVKLAN; Ajo është një moderatore e re, shumë simpatike, që me stilin dhe mënyrën e saj të të prezantuarit ka bërë për vete publikun që në fillimet e saj. Sapo ka nisur sezonin e dytë si moderatore në Televizionin Klan, në një program shumë interesant që ka në fokus ndërhyrjet plastike.
Një strategji e mirë kjo për të tërhequr vëmendjen drejt projektit të ri muzikor të Butrintit, i cili prej ditësh publikon pjesëza nga kënga e tij e re.
