Khloe Kardashian ka konfirmuar më në fund shtatzëninë e saj nëpërmjet një postimi në “Instagram.
33-vjeçarja ndau një foto të barkut të saj rrumbullakosur, ndërsa ajo mbahej me duar nga i dashuria i saj, basketbollisti Tristan Thompson.
Së bashku me fotografinë prekëse, ylli i spektaklit të Kardashianëve falënderoi të dashurin e saj dhe tha se fëmija i saj i parë do të ishte ëndrra e saj më e madhe e realizuar dhe se ajo ndihej e plotësuar.
“Ëndrra ime më e madhe u realizua! Ne do të bëhemi me fëmijë! Kam pritur dhe pyetur veten kaq kohë, por Zoti e paska patur në plan që në fillim. Ai e dinte çfarë po bënte. Duhej thjesht të kisha besim tek Ai dhe të kisha durim. Ende s’e besoj dot se nga dashuria jonë u krijua jetë!
Tristan, faleminderit që më dashuron siç di ti! Faleminderit që më trajton si mbretëreshë! Faleminderit që më ën të ndihem e bukur në çdo fazë!
Tristan, mbi të gjitha, faleminderit që më bërë nënë! E bërë këtë përvojë më magjike se ç’mund ta kisha përfytyruar ndonjëherë. S’do ta harroj kurrë sa i mrekullueshëm je treguar me mua gjatë kësaj kohe! Faleminderit që më bën të lumtur, dashuria ime!
Faleminderit të gjithëve për dashurinë dhe energjinë pozitive! E di që jemi përpjekur ta fshehim, por donim ta shijonim si familje në privatësi sa më shumë të mundeshim. T’i shijonim bashkë këto momente të çmuara.
Faleminderit të gjithëve për mirëkuptimin, jam kaq mirënjohëse, e emocionuar, nervoze, e paduruar, e lumtur deri në çmenduri dhe njëkohësisht e trembur! Është lëmshi më i bukur i ndjenjave që kam përjetuar në jetë!”, ka shkruar Khloe në postimin emocionues që ka bërë në “Instagram”.
Pas këtij postimi të shumtë kanë qenë fansat që e kanë uruar. Vetëm brenda pak orësh ajo arriti të merrte gati 6 milionë pëlqime.
