Khloe Kardashian ka nisur një fushatë kundër migrenës në rrjete sociale dhe sërish është përballur me komente kritikuese.
“A tregon studimi se sa më shumë kirurgji plastike të kesh aq më shumë shanse ke të vuash nga migrena? Çfarë lloj kompanie farmaceutike zgjedh dikë që ka bërë kaq shumë operacione plastike sa duket si alien?”, ka komentuar një ndjekës.
Të tilla komente në lidhje me operacionet plastike duket se Khloe-s i kanë ardhur në majë të hundës.
“Më vjen keq që mendon kështu. Ke gjithë të drejtën të më bllokosh ose mos të më ndjekësh. Po përpiqem të ndihmoj shumë njerëz që vuajnë në heshtje. Ti ke të drejtë për mendimet e tua. Ashtu siç kam dhe unë për të miat. Mendoj se nuk duhet t’i referohesh vetes si feministe nëse sulmon një grua tjetër pa ju provokuar”, iu përgjigj Khloe komentit të ndjekëses.
Ylli i televizionit ka treguar problemet e saj me migrenën dhe arsyen pse ju bashkua një fushate të tillë.
“Kam vuajtur që nga klasa e 6. Kjo është hera e parë që kam gjetur një mjekim që ka funksionuar për mua. Kam provuar çdo gjë. E gjitha çfarë dua të bëj është që të ndihmoj disa njerëz”, është shprehur Khloe Kardashian.
Dhe kur një fans e pyeti se si mund t’ja dalim mbanë me negativitetin, Khloe ofroi disa këshilla.
“Bëji bllok të gjithë ata që dëshiron për të qenë mendërisht i fortë. Këta njerëz nuk do të thoshin kurrë në fytyrë as gjysmat e gjërave që thonë në internet. Dhe nëse bëhet shumë e rëndë për ty, bëj një pushim nga rrjetet sociale. Ti je i jashtëzakonshëm dhe absolutisht shumë i bukur”, është shprehur Khloe.
