Bëri goxha bujë deklarata e tij në “Shiko kush luan”, duke shkaktuar një keqkuptim të madh te publiku.
I pyetur se si e ka emrin Zhulieta e tij, Ardian Bujupi tha “Sabrine”, e teksa ne të gjithë menduam se bëhej fjalë për të dashurën e tij, ai shpjegoi një ditë më pas se ishte e kundërta.
Kjo pasi ai e ka krahasuar me “Zhulietën” e këngës së tij. Në projektin e fundit muzikor, Ardiani flet për një lidhje të shkuar dhe që tashmë kanë mbetur vetëm fotot mes dy ish-partnerëve.
Por, si duket Sabrine paska një fiksim me këngëtarët shqiptarë.
Pas ndarjes me autorin e hitit “Andiamo” ajo ka publikuar një video në Instastory, ku shihet duke dëgjuar këngën e Butrintit “Bella”, madje i ka mësuar edhe tekstin.
Nuk e dimë nëse ajo dhe Butrinti njihen personalisht, apo nëse ai i ka shkruar pas kësaj videoje, por ata nuk ndiqen në Instagram.
Sakaq, ‘mister’ mbetet edhe faktin se nga e ka njohur modelja Butrintin. T’ia ketë treguar Ardiani?
Zërat rreth një romance të mundshme mes saj dhe Ardianit filluan pas këngës së artistit shqiptar “Modela” që u publikua rreth 5 muaj më parë, ku Sabrine shfaqet si protagoniste.
Pas klipit ata u panë shpesh së bashku e nuk i kursyen fotot krah njëri-tjetrit në rrjetet sociale. Jo vetëm kaq.
Edhe në TikTok kanë publikuar disa video mjaft të dyshimta, ku lihet të kuptohet se ndoshta edhe bashkëjetojnë.
Madje për ditëlindjen e modeles autori i hitit “Çika Çika” publikoi një foto ku shihen së bashku në një dhomë gjumi.
Kjo i rriti edhe më shumë dyshimet për romancën e tyre.
Por, për arsye që nuk i dimë tashmë ata nuk janë më bashkë.
