Disa nga momentet më sfiduese në jetën e çdokujt, mbeten kalimi nga klasa e katërt në klasë të pestë, adoleshenca, të gjesh punë pas universitetit dhe sado të vështira të duken të gjitha këto, asgjë nuk krahasohet me pasigurinë kur të duhet të bësh një foto pasaporte.
Fotot e pasaportës janë praktikisht, e kundërta e fotove të Instagram-it: shkenca akoma nuk e ka zbuluar shkakun e vërtetë se përse kur ndodhesh para aparatit dhe të duhet të rrish drejt, fytyra jote shëmtohet në atë fazë sa arrin të shpikë një fytyrë krejt tjetër, imazhin e të cilit je i dënuar ta mbash me vete kudo shkon për 10 vite.
Por, kjo çështje është bukë e djathë për disa nga vajzat e showbiz-it shqiptar.
Sot, modelja Arbenita Ismajli postoi në Instagram një foto portret, e cila ndonëse nuk është një foto pasaporte, është shumë më e qartë sesa një foto pasaporte kështu që, nëse duket mirë këtu, imagjinoni ç’bëhet me rezolucion 2,5 mp.
Enca përshembull, ka një histori të gjatë fotosh pasaporte ku duket po aq kinge sa në videoklipe dhe nuk i ka mbajtur për vete. Normalisht, kushdo del kështu në foton e pasaportës nuk do të kishte drojë ta tregonte.
Foton e pasaportës të Elvana Gjatës e zbuloi Valdrin Sahiti dhe duhet thënë se e çoi standartin në një nivel krejt tjetër.
Jonida Maliqi duket tmerrësisht simetrike në foton e saj të pasaportës.
Dafina Zeqiri mendon se fotoja e saj e pasaportës nuk është “jo keq”, por po të kishte parë foton time nuk do të përdorte këtë përcaktor.
Dhurata Dora mban në dorë gjithë krenari këtë foto pasaporte dhe meqë shkon fjala, mund të themi se po mban “një dhuratë tek dora”.
Morena Taraku vë lente dhe bën makeup dhe kapje të veçantë flokësh për foto pasaporte, jo si disa përtacë vërdallë që pozojnë siç janë zgjuar nga gjumi.
Dhe për ta mbyllur, Oriola Marashi. Koment?
