Këngëtarja e njohur me origjinë shqiptare, Rita Ora, mbërriti të hënën në Kosovë, ku do të qëndrojë për një vizitë 3-ditore.
Qëllimi i saj nuk është ndonjë koncert i mundshëm, por në kuadër të një misioni bamirësie, ndërsa është planifikuar të takohet me viktimat e dhunës seksuale.
Ndërsa shoqërohet në këtë vizitë me nënën dhe babanë e saj, këngëtarja me origjinë shqiptare ka vendosur që të qëndrojë diskrete rreth axhendës së saj.
Ajo nuk ka publikuar asgjë deri më tani, por e vetmja që na tregon detaje është e ëma, Vera Ora.
Në dy fotot e postuara prej saj në Instgram, pamja nuk duket aspak e gëzueshme, pasi ajo që dallojmë janë shtëpitë në gjendje të mjerueshme.
Imazhet mësohet se janë realizuar një prej lagjeve të Ferizajt, ku Rita Ora ka takuar familjet e varfra, mes të cilëve ka pasur fëmijë dhe gra të dhunuara.
Kujtojmë se Rita po bashkëpunon me firmën e njohur ndërkombëtare, “Escada”, për të cilët ka dizajnuar disa çanta, ku 15 euro nga shitja e çdo çante do të ndahet pikërisht për organizatën “Women for Women International”.
