Saranda dhe Delvina u zgjuan të veshur me dëborë mëngjesin e sotëm.
Temperaturat shënuan -2 gradë celcius në qytetin bregdetar të Sarandës, duke sjellë edhe reshjet e para të dëborës.
Në Sarandë për herë të fundit ka rënë dëborë në janar të vitit 2017.
Sipas IGJEUM reshjet do jenë në formë dëbore deri në lartësinë 600 metra mbi nivelin e detit.
Ndërkohë temperaturat e ulta kanë përfshirë gjithë vendin dhe sinoptikania Adiola Bani e Meteoalb, ka bërë të ditur se në disa zona të vendit, temperaturat do të shkojnë deri në -13 gradë Celcius.
Ajo ka raportuar se ditën e premte, në 90% të territorit pritet të ketë reshje dëbore, përfshirë edhe kryeqytetin.
