Me siguri ju ka rastisur të shihni herë pas here në llogarinë e këngëtares Jonida Maliqi në Instagram edhe motrën e saj identike Xhildën.
Në fakt, dy motrat jetojnë larg njëra-tjetrës dhe sigurisht që momentet që kalojnë së bashku kur takohen janë më të bukurat mes tyre.
Por, emergjenca Covid-19 i vështirësoi këtë vit punët dhe i detyroi njerëzit të qëndrojnë larg njëri-tjetrit. Ndaj, motra e Jonidës e ka festuar sot ditëlindjen pa praninë e këngëtares.
Kjo nuk e ka penguar këtë të fundit t’i bëjë Xhildës një super urim në Instagram, duke i treguar publikisht sa shumë i mungon ajo dhe familja e saj e bukur, të cilët ka një vit pa i parë.
“Po behemi pothuajse nje vit pa u pare dhe e kam te veshtire sa here me duhet te flas apo te shkruaj per ju, sepse shpirti me dhemb aq fort qe s’ju kam prane dhe nuk do i gezojme kete here ditelindjet tuaja se bashku. Motra ime, mbeshtetja e vetme pa kushte dhe gjysma ime me e mire, U befsh 1000 vjec! Kaq, se e di qe pasi te shikosh kete mesazh do te ha disa te shara te embla nga ti??❤️”- janë fjalët e Jonidës krahas pozave në Instagram.
