Enrique Iglesias ka dhënë një lajm shumë të keq për fansat e tij në një intervistë të dhënë së fundmi. Ditën e premte në një bisedë me Ricky Martin dhe Sebastian Yatra për promovimin e turneut të tij të ardhshëm, ai zbuloi se albumi që do të publikojë së shpejti dhe që mban titullin “Final” mund të jetë i fundit i karrierës.
“Mund të jetë albumi im final. Nuk është diçka për të cilën kam menduar këta muajt e fundit. Është diçka për të cilën kam menduar këta vitet e fundit. Do të ketë Vol. 1 dhe Vol. 2, por ata janë të fundit. Jam në atë momen të jetës, në atë kapitull të jetës, ku mendoj se është koha e duhur për ta publikuar dhe kam menduar për këtë gjë që nga viti 2015”, u shpreh Iglesias.
Ai a treguar më herët përmes një postimi në Instagram se ky album do të publikohet në datë 17 shtator.
View this post on Instagram
Iglesias publikoi albumin e tij të parë debutues në vitin 1995. Më vonë ai publikoi disa albume të tjerë, duke përfshirë mes tyre, “Escape” në vitin 2001, “Euphoria” në vitin 2010 dhe “Sex and Love” në 2014-n, që është edhe albumi i tij i fundit.
