Vit i ri, stil i ri! Në fakt nuk duhen shumë ndryshime për të sjell një frymë të re në veshje, mjafton edhe një aksesor. Kur e shkruajmë këtë kemi diçka në mendje, orët e ndritshme që transformojnë jo vetëm paraqitjen tonë, por ndryshojnë edhe pamjen e tyre.
Dhe “Swatch” vendosi të sillte një tjetër risi me koleksionin “Transformation”, të realizuar përmes një materiali inovativ që sjell iluzione optike dhe efekte speciale. Mesazhi i këtij koleksioni është i thjeshtë: Imagjinata nuk ka limite.
Orët e materialit plastik do të vazhdojnë të jenë trendi i këtij viti, por duhet të guxoni edhe me ngjyrat. Dhe detaji më i rëndësishëm, një prej tyre ndryshon ngjyrë sa herë që preket nga rrezet e diellit.
BORDUJAS
Në foto nuk është aspak ajo që do të shikoni ndërsa e mbani në kyçin e dorës. Ora “BORDUJAS” me dizajnin e rretheve shumëngjyrëshe vjen si një iluzion optik, ndërsa pikat bojëqielli, rozë dhe të verdha duket sikur kërcejnë përreth fushës.
SUMMER LEAVES
Po kërkoni diçka më ekzotike, për t’i paraprirë verës? Dizajni shumëngjyrësh i sjell nga xhungla do t’ju japë më shumë gjallëri. Rripi i “SUMMER LEAVES” kombinohet me fushën rozë me shkëlqim.
ROSSO BIANCO
Të pasionuar pas së kuqes? Në fakt kjo është ngjyra që i përshtatet çdo veshje dhe çdo stine. Fusha që duket sikur tregon mekanizmin, kombinohet me akrepat e zinj dhe vijëzimet gri.
POLABLUE
Por qershia mbi tortë mbetet ora “POLABLUE”. Mund të duket një orë e zakonshme, por nuk është aspak e tillë. Me xhamin me filtër, kjo orë ndryshon nuancë sa herë që shkëlqehet nga dielli. Dhe nuk mbaron me kaq, pasi vjen në 4 nuanca të tjera.
Burimi: Swatch
