Luana Vjollca i befasoi të gjithë teksa në vitin 2013-të publikoi këngën e saj të parë “Tërbohu”, e cila do të pasohej edhe nga disa këngë të tjera ndër vite. Fansat e saj të zjarrtë e mirëpritën Luanën në profilin e këngëtares dhe madje kohët e fundit duket sikur po i luten që të sjellë ndonjë këngë të re.
Mirëpo jo të paktë ishin edhe ata të cilët e kritikuan ashpër duke i thënë se ajo nuk di të këndojë, dhe gjithçka në këngët e saja i dedikohej efekteve muzikore dhe programeve modifikuese.
Por me sa duket Luana ka vendosur t’u kundërpërgjigjet të gjithë atyre të cilët ishin skeptikë për zërin e saj. Moderatoja simpatike ka publikuar në Instastory një video ku shfaqet duke kënduar këngën “Tumankuqe”.
“Për pikë të qejfit”, shkruan Luana sipër videos ku shfaqet duke kënduar.
Po kësaj radhe që ka ndryshuar zhanër muzikor si iu duket Luana si këngëtare?
