Ku është parë ndonjëherë që shokët e ngushtë ta urojnë njëri-tjetrin me fjalë të bukura dhe të përzemërta?
Askund! BFF gjithmonë zgjedhin fotot e videot më të këqija me fjalët më pak emocionuese të mundshme për të uruar për ditëlindje.
Këtë sapo na e ka vërtetuar Tuna, e cila njihet për marrëdhënien e saj super të mirë me Yll Limanin dhe nëse menduat se harroi ta uronte publikisht e keni gabim.
Ajo ka publikuar në Instastory një pjesë nga kënga e re e këngëtarit, teksa ka shkruar: “Happy birthday, idiot!”
Në fakt ky epitet i këngëtares nuk është kaq i rastësishëm, pasi ndër të tjera në tekstin e këngës së Yllit thuhet: “Mos i ly ti buzt e kuqe, Mos u dok mas mirti n’bot, Se hala xhelozoj, Se jom idiot!
“Buzët e kuqe” u publikua këtë pasdite si një dhuratë nga Ylli me rastin e ditëlindjes së tij të 26 dhe po thyen rrjetin.
Ylli dhe Tuna prej vitesh ruajnë një miqësi të mirë dhe shpesh kanë bashkëpunuar edhe në projektet muzikore.
Një vit më parë ata publikuan “A don hala”, një nga projektet më të sukseshëm për secilin prej tyre.
