Dyshja e njohur, Almeda Abazi dhe Tolgahan Sayisman janë një ndër çiftet më të komentuar të mediave jo vetëm shqiptare, por edhe atyre turke.
Ata ndajnë shpesh foto krah njëri-tjetrit, por nuk mungojnë as dedikimet romantike, edhe pa patur ndonjë rast të veçantë.
I tillë ishte edhe ky i ditës së sotme nga Tolgahani, i cili ka shpërndarë në Instastory një foto të Almedës.
Por, prisni se ka më. Qershia mbi tortë e gjithë kësaj ishte dedikimi i aktorit, i cili këtë herë kishte shkruar në shqip, duke na zbuluar edhe epitetin me të cilin e thërret bashkëshorten e tij në shqip.
“Të dua shumë mbreteshe!”– ka shkruar ai dhe këtë fjalë e ka rishkruar edhe Almeda në thonjëza, pasi e ka rishpërndarë në llogarinë e saj.
“Hahahah “mbreteshe”. Edhe unë të dua shumë zemra ime!”– ka qenë ky mbishkrimi i bukuroshes shqiptare.
Aktori i njohur turk ka treguar se e do vendin tonë dhe hera-herës e kemi parë në Shqipëri e Kosovë, duke mos e fshehur vlerësimin e tij për kulturën dhe popullin shqiptar.
Ai madje ishte edhe në natën finale të “Dancing with the stars” në vendin tonë, gjatë sezonit kur ky emisioni moderohej nga Almeda.
Dysha kurorëzoi me martesë dashurinë në vitin 2017, ndërsa vitin e kaluar u bënë prindër për herë të parë të një djali që e quajtën Efehan.
Të voglin e kemi parë shpesh në llogaritë e prindërve në rrjete sociale dhe padyshim e gjithë dashuria dhe vëmendja e çiftit është tek ai.
Disa muaj më parë Almeda tha se dëshiron të bëhet nënë e një vajze dhe se kjo duket mos të jetë në planet e largëta. (LEXO)
