Fama e Dhurata Dorës tashmë ka kaluar edhe kufijtë shqiptarë. Artistja ka bashkëpunuar me emra të njohur të muzikës ndërkombëtare dhe falë kësaj ka arritur të bëhet e njohur në shumë vende të botës.
Për më tepër emri i Dhuratës nuk është i njohur vetëm brenda rrethit të muzikës. Në listën e shumë personave që ndjekin artisten shqiptare, është vënë re se përfshihet edhe një futbollist shumë i njohur. Bëhet fjalë për Vinicius Jr., futbollist brazilian, i cili luan si sulmues i krahut në skuadrën e Real Madridit. Po ashtu edhe artistja shqiptare e ndjek Vinicius Jr. në Instagram, ndërkohë ne u bëmë kurioz të mësojmë se si janë njohur ata të dy me njëri-tjetrin.
View this post on Instagram
Nuk e dimë nëse ata kanë arritur të njihen personalisht apo vetëm përmes rrjeteve sociale, por e sigurt është që Dhurata Dora tashmë është kudo e famshme.
Kujtojmë se para disa javësh këngëtarja publikoi këngën “Only You” në bashkëpunim me Maitre Gims. Kjo këngë rezultoi një hit i vërtetë në Shqipëri e Francë, por edhe në shumë vende të tjera.
Sakaq në një intervistë të dhënë së fundmi, Maitre Gims foli edhe për Dhuratën. Ai tha se është fans i këngëtares shqiptare dhe mbi të gjitha e vlerëson shumë për talentin e saj.
“Unë jam një fans, më pëlqen ajo që Dhurata bën. E njoh atë për shumë kohë tani. Dhe absolutisht doja ta ftoja. Ajo është dikush që dua ta prezantoj në Francë sepse ka talent”, u shpreh Maitre Gims.
