Michelle, ish-partnerja e banorit të Big Brother VIP Kosova 4, Klodian Mihajt, ka tërhequr vëmendjen e rrjeteve sociale me një kërkesë jo të zakonshme drejtuar publikut shqiptar. Ajo ka pranuar hapur se nuk kupton gjuhën shqipe dhe se kjo e pengon të ndjekë çdo zhvillim që përfshin Klodin brenda shtëpisë më të famshme në vend.
Klodi i paska lene me pasoja qiken 💀#bbvipks4 pic.twitter.com/nMuglDyPMx
— lejallahile🇽🇰 (@mosshurdhoshume) November 23, 2025
Përmes një videoje të publikuar në rrjetet sociale, Michelle shpjegon se është në kërkim të një shqiptari që flet italisht rrjedhshëm dhe që e ndjek rregullisht reality show-n. Qëllimi i saj është të ketë dikë që mund t’i përkthejë dhe t’i shpjegojë çdo veprim, deklaratë apo situatë që lidhet me Klodin.
“Kërkoj dikë që mund të më tregojë gjithçka për ish-in tim, pasi nuk kuptoj asnjë fjalë nga ajo që ndodh brenda Big Brother Kosova.”
Kjo kërkesë konfirmon se Michelle vazhdon të ketë interes të dijë për gjendjen dhe sjelljen e Klodit, edhe pas ndarjes së tyre. Ajo e quan këtë nismë një mënyrë për t’u lidhur me komunitetin shqiptar dhe për të krijuar miqësi të reja me ndjekës që janë të gatshëm ta ndihmojnë. Mbete të shihet në ditët në vijim nëse dikush do t’i përgjigjet thirrjes së saj dhe nëse Michelle do të arrijë të qëndrojë e informuar rreth çdo zhvillimi që përfshin Klodin.
