Një prej çifteve më të komentuar të Hollywood-it, Justin dhe Hailey Bieber së fundmi u bënë prindër për herë të parë. Hailey solli në jetë një djalë dhe lajmi u bë me dije nga Justin, ku ky i fundit postoi në rrjete sociale një fotografi të këmbës së bebushit teksa vihej re dora dhe thonjtë e partneres së tij, Hailey-t.
Dhe rezulton, se dizajni nudo ‘micro-french’ në thonjtë e saj që vihet re lehtësisht në foto u zgjodh nga Justin, një kërkesë kjo e bërë prej tij pak kohë përpara se të vinte në jetë Jack Blues Bieber, sipas manikyristes së Haileyt, Zola Ganzorigt.
“Justin zgjodhi modelin e thonjve të Hailey-t së fundmi dhe kjo ishte kërkesa e tij”, tha Ganzorigt për Vogue.
