Të jesh artist nuk është aq e lehtë sa duket në ekran apo skenë. Të jesh i tillë do të thotë edhe të buzëqeshësh, atëherë kur shpirti të qan dhe të jesh në “top” formë përballë publikut që pret nga arti yt.
Por ka raste që artistët dorëzohet dhe lejojnë që të jenë ashtu si në të vërtetë janë, prej mishi dhe gjaku.
Një rast të tillë e ka kaluar edhe balerina Isida Mollaymeri, e cila ka qenë e ftuar sot në “Pushime on Top”, ku dhe ndau me publikun disa momente që nuk harrohen lehtë.
Ndër të tjera, balerina tregoi edhe për vuajtjen më të madhe që ka kaluar në skenë.
“Ne edhe në skenë nuk i shfaqim kurrë vuajtjet, i mbajmë gjithmonë pas skene. Në skenë ndoshta nuk është ndonjë vuajtje, sepse gjërat kalojnë. Janë gjëra që ndodhin, ne jemi njerëz të gjallë. Por, për shembull, nëse ndodh ndonjë fatkeqësi, edhe ti je i detyruar të dalësh në skenë.
Mua më ka ndodhur. Ne e kemi si ligj, gjithçka që ndodh, ti duhet të dalësh në shfaqe, sidomos kur nuk ke zëvendësues.
Unë humba një mikeshë, ka qenë ‘Traviata’. Nuk kam pasur zëvendësuese dhe gjatë gjithë kohës kur kërceja, qaja. Publiku është ngritur në këmbë, sepse e kishte marrë vesh. Ka qenë një nga ditët më të vështira të jetës sime”.
