Këpucët “Gucci” janë trendi më i ri.

Borina Voko Postuar ne 24 Gusht 2015,11:53:13

Bota e modës nuk po merr dot mjaftueshëm nga vizioni i ri i Alessandro Michele’s për “Gucci”. Nuk është surprizë që produkti që kryeson listën e pazarit të “Vogue.com” janë këto këpucë. “Mendojmë se sa herë që “Gucci” krijon një vizion të ri, siç po bën në këto momente, të gjithë lënë kokën për të dhe dëshirojnë ta kenë në garderobën përsonale” – thotë Sally Singer, Drejtori i Kreativitetit “Digital, Vogue”.

Pjesërisht këpucë “shaggy”, pjesërisht lëkurë nga ky koleksion, nuk del gjë tjetër përveçse një miks brilant kujtimesh nga koleksionet e kaluara. Ndryshe duken si këpucë shkolle që të gjithë i kanë pasur në adoleshencën e tyre. Për të patur në koleksion këpucët më të reja “Gucci”, duhet edhe të keni një listë me veshje që mund të kombinohen lehtësisht me to.

Pamja origjinale e këpucës thotë shumë për pjesën nga kyçi e lart si diçka për të cilën ju nuk të mundoheni shumë. Bën sens vetëm me veshje të thjeshta dhe komforte, kështu do të mund të futeni në sezonin e ri, pa u ndierë të sforcuar drejt një stili që nuk do t’ju pëlqente.

Këto janë mendimet e pesë editorëve të “Vogue” për kombinim e këpucëve të reja nga “Gucci”:

Jorden Bickham thotë se do t’i vishte ato me pantallona të gjera dhe bluzë apo pulovër kashmiri, kështu thotë ai, ndërsa përballon ditën më me lehtësi.

Sally Singer pohon se ka invenstuar që tani për të patur këpucët e reja dhe do i vishte ato me fustanin e tipit “për gjyshe”, kashmir nga “Dosa”.

Chelsea Zalopany do i vishte me një palë pantallona xhinse të tipit kauboi dhe një pulovër të gjerë dimri. Zgjedhja e saj bazohet në faktin se këto janë këpucë për dimër dhe duhen trajtuar si të tilla.

Laird Borrelli-Persson do të provonte “Gucci” thjesht me një kimono mëndafshi të llojit serioz për një ditë normale pune.

Elizabeth Taufield fillimisht thotë se gjithkush duhet t’i ketë këto këpucë dhe ato janë lehtësisht të kombinueshme. Personalisht Elizabeth do të zgjidhte stilin “juxtapose” me bluzë të thjeshtë dhe pantallona me dizajn të veçantë.