Nuk mund ta mohojmë ndikimin e këpucëve me takë, na bëjnë të ndihemi më sensuale dhe më tërheqëse. Por bukuria ka sakrifica: dhimbjen dhe fryrjen e këmbëve.
Ne jemi këtu për t’iu ardhur në ndihmë:
Kurrë të reja!
Nëse kemi blerë një palë këpucë të larta në vitrinë, është gjithmonë e nevojshme për të kompletuar veshjen tonë. Por duhet t’i vishni në shtëpi të paktën një javë para se të shkoni në një festë apo event ku jeni të ftuar. Këmba do të mësohet me mënyrën e re të të ecurit ndryshe nga e zakonshmja. Stërvitja dhe në këtë rast është një aleat i mirë.
Ato të duhurat
Pak më të mëdha do të jenë më komode? E gabuar! Është gabim i madh të blini këpucë pak më të mëdha, sepse në realitet duhet të përshtaten në mënyrë perfekte me këmbën, e sidomos me takë të larta. Kur këpuca është e bollshme, këmba do të rrëshqasë para, duke ushtruar presion tek gishtat dhe duke krijuar fryrje dhe dëmtime: e sigurtë që do të keni dhimbje në këtë rast.
Një fillim i mirë
Taka 12-tshe? Nuk duhet të kaloni direkt në ekstrem, por niseni gradualisht. Fillimisht me takë 5 apo 6 për të mos patur një ecje si ‘mbi vezë’. Rekomandohet të nisni me taka ortopedike apo me takë të trashë, do ju japin disa centimetra më shumë dhe do rezistoni më gjatë pa përfunduar sërish tek pantoflat.
Ndihmë
Në treg tashmë ka mjaft ndihmësa të vlefshëm, si jastëkët e vegjël të xhelit transparent, të krijuara për të lehtësuar tensionin e peshës së trupit.
