Kur jemi në prag të festave, mendojmë vetëm se ku mund t’i kalojmë pushimet. Dëshira për t’u larguar nga kufijtë shqiptarë është rritur vitet e fundit dhe tashmë disa shtete të reja na japin mundësinë që të udhëtojmë drejt tyre pa vizë.
Shtetasit me një pasaportë shqiptare mund të vizitojnë 193 vende me vizë të ndryshme. Portali Visalist.io ka listuar së fundmi të gjithë shtetet që mund të vizitojnë shtetas të ndryshëm nëpër botë, sipas kategorizimit sipas vizës që u nevojitet të marrin.
Shtetet me e-viza
Me 13 shtete, kryesisht të lokalizuar në Afrikën Veriore dhe Qendrore, por edhe më tej në Azi, shtetasin shqiptarë mund të marrin një vizë elektronike për të udhëtuar në to. Sipas agjencive turistike, forma e përfitimit të vizës elektronike është një lehtësi procedurale për udhëtarët. Shtetet janë përkatësisht: Azerbajxhani. Ivory Coast, Djibouti, Egjipt, Etiopi, Gabon, Indi, Lesotho, Mianmar, Katar, Sao Tome, Taxhikistan.
Shtetet me viza që pritet të hiqen
Janë 33 shtete me të cilat pritet që të hiqen vizat me Shqipërinë. Sipas portalit visalist.io, bëhet fjalë për destinacione të konsideruar si ekzotike, për shkak të largësisë dhe kostos më të lartë të udhëtimit. Nga ana tjetër, edhe preferenca e udhëtarëve kryesisht nga Europa është më e kufizuar për këto destinacione. Por, sipas agjencive turistike ka përjashtime, Për shembull, destinacione si, Xhamajka, Ishujt Seychelle etj.
Burimi: Monitor
