Kur bëhet fjalë për lëkurën e fytyrës, një nga problemet më të shpeshta janë njollat e errëta. Ka shumë gjëra që mund ta shkaktojnë këtë, nga ekspozimi në diell e deri tek gjenetika. Dhe meqenëse nuk mund të ndryshojmë gjenet tona, ka disa gjëra që duhet t’i kushtojmë vëmendje në mënyrë që të kryejmë kujdesin e duhur për veten.
Ndonjëherë ne përqendrohemi në trajtimin e njollave të errëta, por harrojmë t’i kushtojmë vëmendje asaj që i shkakton ato. Ja disa nga arsyet pse keni njolla të errëta dhe si t’i shmangni ato.
Dritat e brendshme
Pak njerëz e dinë këtë, por ekspozimi ndaj dritave brenda shtëpisë tuaj mund të çojë në njolla të errëta. Kjo sepse drita e dukshme ose drita fluoreshente mund të ndikojë në hiperpigmentimin e lëkurës. Kjo lloj drite është e pranishme në kompjuterë, TV, madje edhe në smartphone. Për ta parandaluar atë, përdorni krem kundër diellit çdo ditë kur filloni rutinën tuaj të kujdesit për lëkurën.
Kremi kundër diellit
Është e zakonshme që ne duhet të mbajmë kremë dielli kur shkojmë në plazh. Disa prej nesh e dinë që kremi kundër diellit duhet të përdoret çdo ditë, madje edhe në ambiente të mbyllura. Por problemi është se pak njerëz e dinë që kremi kundër diellit duhet të ri-aplikohet çdo 2 orë. Duke marrë parasysh që shumica e njollave të errëta shkaktohen nga dëmtimi i diellit, gjithmonë mbani krem mbrojtës, duke filluar nga mëngjesi.
Kombinimi i limonit dhe diellit
Ka shumë ilaçe natyrale në shtëpi që përfshijnë limonin si recetë për pastrimin e njollave të errëta në lëkurë. Por ajo që njerëzit harrojnë është se lëngu i limonit, kur kombinohet me rrezatimin e diellit, në të vërtetë mund të shkaktojë njolla të errëta ose t’i përkeqësojë ato. Kjo quhet fitofotodermatit dhe shkaktohet nga substanca të tilla si furanokumarinat dhe psoralenët kur bien në kontakt me rrezet e diellit. Për të mos ndodhur kjo, gjithmonë lajeni mirë lëngun e limonit nga lëkura juaj.
Mospastrimi i trajtimeve të natës
Nëse ndonjëherë shkoni në një takim me dermatologun dhe ankoheni për njollat e errëta, ka shumë të ngjarë që ata të sugjerojnë përdorimin e produkteve për trajtimin gjatë natës. Disa produkte, veçanërisht ato acidike, kanë potencialin për të pastruar njollat por edhe të irritojnë lëkurën tuaj, duke shkaktuar njolla të errëta. Mos harroni ta hiqni atë duke larë fytyrën tuaj në mëngjes dhe më pas duke aplikuar kremin mbrojtës.
