Flirtuese dhe femërore, kështu u cilësua këngëtarja me origjinë nga Skocia, Tallia Storm për veshjen që kishte zgjedhur për të parakaluar në tapetin e kuq, të një prej eventeve më të rëndësishme të muzikës, në Britani, “BRIT Awards”.
Ajo u shfaq me një fustan të shkurtër pranveror, me frulla dhe aksesorë që na kujtuan menjëherë këngëtaren shqiptare Elvana Gjata. Dhe në fakt, ICONstyle konstatoi se, bukuroshja bionde kishte veshur një fustan të mrekullueshëm Gucci, në ngjyrë rozë dhe gurkali e errët.
Ato që e bëjnë më të veçantë fustanin janë aksesorët e tij. Rruazat e bardha, kristalet dhe detajet velvet, i japin hijeshi fustanit të prodhuar në Itali, por edhe janë ato që kushtojnë më shumë. Të njëjtin fustan ia kemi parë edhe këngëtares shqiptare Elvana Gjata, (Kliko këtu), në një foto të publikuar në profilin e saj në Instagram.
