Ajo është cilësuar si një ndër zërat më specialë të “The Voice of Albania”, me stilin e saj unik që e ka bërë më të dashur për publikun shqiptar.
Marsela Çibukaj është aktualisht në një turne me një nga mentoret e “The Voice Italia”, Noemi, një projekt të cilin e ka lajmëruar disa javë më parë, por në të njëjtën kohë është edhe pjesë e një emisioni televiziv në “Canale 5”.
“Pas “The Voice” kemi mbajtur shoqëri dhe më kërkoi që të isha pjesë e këtij projekti. Me shumë kënaqësi pranova, është një eksperiencë shumë interesante, sepse është një mënyrë e bukur për të shkëmbyer përvoja muzikore me muzikantë profesionistë shumë të mirë, është një arritje e bukur”, tregon Marsela për këtë eksperiencë të re në një intervistë të fundit për “Summer Pages”.
Megjithëse në media u publikuan disa foto me të dashurin në plazh, nga jeta e saj private dimë shumë pak. Për dashurinë, vetë Marsela Çibukaj ka rrëfyer se nuk e ka përjetuar ende atë ndjenjë të fuqishme që e bën të jetë e dashuruar “kokë e këmbë”.
“Jo, jo! Kam qenë gjithë jetën e dashuruar, por asnjëherë në të vërtetë. Nuk e kemi gjetur ende princin e kaltër”, janë këto fjalët e saj.
Marsela ka rrëfyer gjithashtu se i pëlqen të udhëtojë dhe të jetë në vende të izoluara, “vetëm ajo dhe natyra”.
