Eli Fara është një nga këngëtaret më të njohura shqiptare, e cila prej disa vitesh ka kënaqur publikun shqiptar me zërin e saj të ëmbël. Veç zërit Eli është komentuar gjithmonë edhe për pamjen e saj të jashtme, që duket se vitet për të janë vetëm një numër.
Pavarësisht se sa e bukur ishte, këngëtarja në fillimet e saj u përball me një shqetësim në fytyrë që bezdiste jo vetëm atë, por edhe ata që e shihnin.
Një nishan në faqe ishte një problem që më vonë u zhduk nga fytyra e saj dhe askush nuk e vuri.
E ftuar sot në emisionin “Në një kat më lart” Eli tregoi se pasi nishani u bë problem për të ajo mendoi alternativa që ta hiqte përgjithmonë.
“Kur xhiroja klipet me regjisorin Pali Kuke në 1997, ai ishte i pa kënaqur me profilin. Nishani ndryshonte formën, filloi të zmadhohej, nuk kishte më bukurinë e fillimit. Që atëherë thashë nuk e dua më, si do t’ja bëj më këtë nishanin. Ishte koha e luftës në Kosovë dhe takoj një mjek të famshëm të Kosovës. Sa e takova më tha ‘Sa herë të kam parë, kam thënë do t’ja heq nishanin’” – tregoi këngëtarja gjatë intervistës.
Më pas ajo tregoi se në një klinikë private në Maqedoni, e kishte hequr nishanin me djegie përgjithmonë.
