Këngëtarja shqiptare Flaka Krelani ka pranuar se ka kryer ndërhyrje estetike në fytyrën e saj. E ftuar në Top Show, Flaka nuk iu është shmangur edhe pyetjeve mbi ndërhyrjet që ka bërë.
E pyetur për dy foto të saj të realizuara disa vite më parë dhe sot, Flaka nuk e mohoi që ka bërë ndërhyrje, por vetëm buzët:
“Në këtë foto kam qenë 16 vjeç, ndërsa te tjetra jam 27. Normal që kam ndryshuar. Buzët i kam bërë, këtë s’e mohoj. Po të gjithë i kanë sytë në ballë dhe kjo është diçka që duket. Dhe nuk jam penduar”, – tha ajo duke konfirmuar lajmin për ndërhyrjet estetike në buzë.
Por, megjithatë, edhe një herë theksoi se nuk ka as dëshirë dhe as nevojë të jetë pjesë e mediave rozë për këto lloj lajmesh, por vetëm për punën e saj: “Unë jam këngëtare, nuk jam reality star, ndaj nuk dua të bëj këto lloj lajmesh”, tha Flaka.
