Ronela Hajati po punon për projektin e radhës, për të cilin ka nisur tashmë xhirimet e videoklipit “Marrë”. Pak ditë më parë ajo bëri të ditur në rrjetet e saj sociale se kënga e radhës do të jetë shumë veror, duke ngritur pyetjen: “Jam e vetmja që do bëj një këngë solo këtë verë?”.
Ajo shpesh është bërë objekt bisedash dhe madje ka marrë dhe penalizime gjatë xhirimeve. Kujtojmë këtu momentin e xhirimeve në rrugë të këngës “A do si kjo”, kur Ronela hapi panik te të gjithë vendasit kur u ngatërrua me pjesëtarët e Shtetit Islamik, duke vënë në lëvizje policinë. Por lajmi i saj u përhap edhe nga media ndërkombëtare “Daily Mail”.
Por, këtë herë xhirimet e Ronelës i kanë lënë asaj një shenjë. Këngëtarja duket se është lënduar dhe është çarë tek mjekra. Ronela e cila ka premtuar se këtë verë do të ketë shumë projekte të reja, ka thënë se ky ishte thjesht “Syri i keq”.
Në foton e publikuar këngëtarja shihet me një “look” tepër të veçantë, siç jemi mësuar shpesh të ndryshojë paraqitje.
