Këngëtarja me famë botërore Bebe Rexha ka marrë çmimin e rëndësishëm në “iHeartRadio Music Awards 2023”, pasi ishte e nominuar në mbrëmjen e djeshme.
Artistja me origjinë nga Dibra u përfshi në dy kategori dhe fitoi ‘Kënga më e mirë e zhanrit Dance’ për “I’m Good Blue” me David Guetta-n.
Ajo ka reaguar menjëherë në rrjete sociale duke ua bërë me dije ndjekësve se ka fituar një çmim.
“Faleminderit iHeartRadio. Ne kemi fituar Dance Song of the Year”, shtoi ajo.
View this post on Instagram
E nominuara për këtë vit ishte edhe këngëtarja tjetër shqiptare me famë botërore, Dua Lipa.
Dua ka qenë e nominuar gjithsej në shtatë kategori, por nuk ka arritur të shpërblehet me ndonjë çmim.
Ceremonia prestigjioze u zhvillua të hënën më 27 mars në ‘The Dolby Theatre’ në Los Angeles.
