Këngëtarja shqiptare ka pasur një sezon fantastik me muzikalin “Notre Dame de Paris”, i cili për muaj me radhë, pas Parisit, ka qenë në tur në Francë dhe jashtë saj.
Që kur nisi ky projekt, ku Elhadia Dani interpreton Esmeraladën në kastin e dytë, këngëtarja nga Shkodra u vendos në Paris për të nisur një periudhë të re jete dhe për të provuar nga afër mundësitë e qytetit të artit dhe ato janë shfaqur. Nuk janë në muzikë siç e mendojmë, por në modë.
Këngëtarja 24-vjeçare ka lajmëruar në faqen e saj për një bashkëpunim shumë të shpejtë me markën e prodhimit të aksesorëve të lëkurës “Maureen-Kim Paris”.
Në faqen e kësaj firme produktesh cilësore lëkure bie në sy që targeti është femra e re, bashkëkohore, me stil, paksa “casual” e paksa elegante dhe gjithmonë me vetëbesim, por edhe femërore…që përputhet me imazhin e Elhaidës.
Ajo ka treguar tashmë se është shumë e zonja në sete fotografike.
