Dy këngëtarët, motër e vëlla, Gerta dhe Klejti Mahmutaj, treguan disa histori të veçanta nga fëmijëria e tyre.
Të ftuar tek emisioni “Kush vjen për drekë” motër e vëlla, që bënë të gjithë publikun për vete në “Kënga Magjike” me duetin kushtuar lidhjes së tyre të ngushtë, shuan kuriozitetin edhe për mbiemrin e tyre, që me sa duket nuk u ka pëlqyer aspak në fëmijëri.
Gerta rrëfeu se në fëmijëri kishte pasur shumë siklet të thoshte publikisht mbiemrin e saj, madje ajo tregoi edhe një rast konkret:
“Kur isha e vogël, mbaj mend që ndërrova shkollë dhe ditën e parë të shkollës profesori pa që kishte një nxënëse të re dhe më pyeti si quhesha. Unë i thashë “Quhem Gerta”. Më pyeti dhe për mbiemrin por unë i thashë: “Mbiemrin s’ta them dot se më vjen turp”.”
